அவனின் அழைப்பு

நான் விண்ணப்பிக்காத போதிலும்
உத்தியோக பூர்வ அழைப்பு
அவன் இதயவறையிலிருந்து
இருளான என் மனதை
ஒளியேற்ற வா என்று...
எனக்கு அறிமுகமில்லாத அவனின் முகமும்
ஒரு நொடிகூட என்மேல் படியாத பார்வையும்
எனக்காக காத்திருக்கின்றன....நானோ
விண்ணப்பிக்காத போது அழைப்பா? என
சிந்தித்தபடி என் விரல் கொண்டு
அந்த விலாசத்தை தடவிப் பார்க்கையில்
என் மனதின் ஏதோ ஓர் மூலையில்
உருவாகிய விறைப்பபை உணர்ந்துகொண்டேன்
இருந்தும் அவ் அழைப்பிற்கு என் பதிலாக
அதன் முகவரி தவறு என்று பொய் கூறி
அப் பொய்க்குள் என் முகம்
மறைத்துக் கொள்கின்றேன்.......(தனா)