வெட்கத்துளிகள்

வர்ணங்கள் பல கொண்டு வட்டமிடும்
வண்ணத்துப்பூச்சி போல் என் மனமும்
எண்ணங்கள் பல கொண்டு
இறக்கை விரித்துப் பறக்கின்றது
தரையில் நடக்க மறுக்கும் கால்கள்
தாள லயத்துடன் தளிர்நடை போடுகின்றது
இதுவரை எனைப்பற்றி உன் விரல்கள் எழுதிய
கவிவரிகள் போதாதென்று நாளை
உன் விழிகள்எழுதப்போகின்றன என
நீ கூறியதை நினைத்து
என் விழிகள் இன்றே
சேமிக்கத்தொடங்கிவிட்டன
உன் விழிகளுக்கான பரிசுக்குவியலாக
தன் வெட்கத்துளிகளை.......(தனா)